Karuna Munde : कराडची लायकी काय? बीडमध्ये गुंड गँग तयार करण्यात मुंडेचा मोठा हात… करूणा मुंडेंच्या आरोपानं खळबळ

करुणा मुंडे यांनी पुन्हा एकदा धनंजय मुंडे यांच्यावर गंभीर आरोप केले आहेत. वाल्मिक कराड कोणासाठी काम करत होता, असा प्रश्न उपस्थित करत त्यांनी म्हटले आहे की, धनंजय मुंडे यांचे मंत्रिपद गुन्हेगारांना पाठबळ देणारे होते. त्यांच्या मंत्रिपदाच्या जोरावरच वाल्मिक कराडसारखे गुंड बीडमध्ये सक्रिय झाले.

करुणा मुंडेंच्या मते, वाल्मिक कराड हा धनंजय मुंडे यांच्या वैद्यनाथ आणि पंगेश्वरसारख्या कारखान्यांमध्ये काम करणारा एक सामान्य गुंड होता, जो मुंडेंच्या पाठिंब्यामुळे मोठा झाला. गुंडगिऱ्यांचे गट तयार करण्यात धनंजय मुंडेंचा मोठा हात होता. संतोष देशमुख हत्या प्रकरणात थेट हात नसला तरी, पाठबळ देणारे तेच होते, असा आरोप त्यांनी केला. परळीतील महिलांचे जीवन उद्ध्वस्त झाले असून, खंडणी, जमीन हडप, बनावट दारूचे धंदे यांसारख्या कृत्यांना मुंडेंनीच प्रोत्साहन दिले, असेही त्यांनी म्हटले आहे.