Karuna Munde : धनंजय मुंडेंनी दादा गरडला 5 लाख दिले अन्.. करुणा मुंडेंचा आरोपानं खळबळ

करुणा मुंडे यांनी राष्ट्रवादी काँग्रेसचे नेते धनंजय मुंडे यांच्यावर गंभीर आरोप केले आहेत. मनोज जरांगे पाटील यांना मारण्याचा कट धनंजय मुंडेंनी रचल्याचे करुणा मुंडे यांनी म्हटले आहे. या संदर्भात, पोलिसांनी ताब्यात घेतलेला आरोपी दादा गरड आपल्याकडे येऊन भेटल्याचा दावा त्यांनी केला. दादा गरडला धनंजय मुंडेंनी पाच लाख रुपये दिले असल्याचा सनसनाटी आरोप करुणा मुंडे यांनी केला आहे.

या आरोपांच्या पार्श्वभूमीवर, करुणा मुंडे यांनी धनंजय मुंडे, मनोज जरांगे पाटील आणि स्वतःची नार्को टेस्ट करण्याची मागणी केली आहे. त्यांच्या म्हणण्यानुसार, दादा गरडच्या मोबाईलमध्ये या प्रकरणाशी संबंधित सर्व रेकॉर्डिंग, चॅट्स आणि मेसेजेस आहेत. ज्यात धनंजय मुंडेंनी ‘सॉरी’ असे लिहून पाठवल्याचा उल्लेख आहे. धनंजय मुंडेंनी एका गरीब व्यक्तीला पाच लाख रुपये का दिले आणि त्याला ‘सॉरी’ का म्हटले, याबाबत प्रश्नचिन्ह उपस्थित करत त्यांनी ही माहिती आपल्याकडे असल्याचा दावा केला आहे.