Ladki Bahin Yojana : लाडक्या बहिणींनो 18 नोव्हेंबरपर्यंत ‘हे’ एक काम कराच, नाहीतर.. मंत्री तटकरेंचं आवाहन काय?
मंत्री आदिती तटकरे यांनी मुख्यमंत्री माझी लाडकी बहीण योजना लाभार्थींना 18 नोव्हेंबरपूर्वी ई-केवायसी पूर्ण करण्याचं आवाहन केलं आहे. योजनेत पारदर्शकता आणण्यासाठी आणि नियमित आर्थिक लाभ सुनिश्चित करण्यासाठी ही सुविधा 18 सप्टेंबर 2025 पासून ladakibahin.maharashtra.gov.in वर उपलब्ध आहे. सर्व लाडक्या बहिणींसाठी ही प्रक्रिया वेळेत पूर्ण करणे महत्त्वाचे आहे.
मुख्यमंत्री माझी लाडकी बहीण योजनेच्या लाभार्थींसाठी महत्त्वाची सूचना जारी करण्यात आली आहे. राज्याच्या मंत्री आदिती तटकरे यांनी लाडक्या बहिणींना 18 नोव्हेंबरपूर्वी ई-केवायसी (E-KYC) प्रक्रिया पूर्ण करण्याचं आवाहन केलं आहे. योजनेमध्ये अधिक पारदर्शकता यावी आणि पात्र लाभार्थींना त्यांचे आर्थिक लाभ नियमितपणे मिळत राहावेत या उद्देशाने ई-केवायसी सुविधा उपलब्ध करून देण्यात आली आहे. ही ई-केवायसी सुविधा दिनांक 18 सप्टेंबर 2025 पासून https://ladakibahin.maharashtra.gov.in या अधिकृत संकेतस्थळावर उपलब्ध करून देण्यात आली आहे. या प्रक्रियेसाठी लाभार्थींना दोन महिन्यांचा कालावधी देण्यात आला होता.
मिळालेल्या माहितीनुसार, आतापर्यंत बहुतांश लाडक्या बहिणींनी ही प्रक्रिया यशस्वीरित्या पूर्ण केली आहे. तरीही, ज्या लाभार्थींनी अद्याप ई-केवायसी पूर्ण केलेली नाही, त्यांनी 18 नोव्हेंबरच्या अंतिम मुदतीपूर्वी ही प्रक्रिया पूर्ण करणे अत्यंत आवश्यक आहे. यामुळे योजनेचे लाभ अखंडितपणे मिळत राहतील आणि कोणत्याही अडचणी येणार नाहीत.
बहरीनमध्ये जय पवार यांची हळदी, बघा दिमाखदार सोहळ्याचे फोटो
पार्थ पवारांच्या कंपनीचा 42 कोटी भरण्यास नकार, बावनकुळेंनी ठणकावलं
रविंद्र चव्हाणांकडून समझोता, पण निलेश राणे तयार नाही!
महायुतीतील मतभेद दूर, आगामी निवडणुका एकत्र लढणार! बघा कोण काय म्हणालं?
