मुख्यमंत्र्यांनी स्पष्टच सांगितलं; फक्त पुराव्याचा जीआर… सरसकट नाही!

मराठवाड्यातील कुणबी समाजासाठी हैदराबाद गॅझेटचा वापर करून जारी करण्यात आलेल्या शासन निर्णयावरून राज्यात चर्चा रंगली आहे. मुख्यमंत्री देवेंद्र फडणवीस यांनी या निर्णयाबाबत स्पष्टीकरण देताना सांगितले की हा निर्णय सरसकट आरक्षण देणारा नाही. हा निर्णय फक्त पुराव्यावर आधारित आहे. त्यांनी असेही स्पष्ट केले की या निर्णयाचा ओबीसी समाजावर कोणताही परिणाम होणार नाही. मात्र, मनोज जरांगे यांनी मराठवाड्यातील सर्व मराठे ओबीसी आरक्षणात गेले असल्याचा दावा केला आहे. फडणवीस यांनी स्पष्ट केले की हैदराबाद गॅझेटमध्ये वैयक्तिक नोंदी नसल्याने, केवळ गॅझेटच्या आधारे आरक्षण देणे शक्य नाही. जात प्रमाणपत्रासाठी वंशावळीचा पुरावा आवश्यक असल्याने, गॅझेटमधील सांख्यिकीय माहिती पुरेशी नाही.