Local Body Elections 2025 : सत्ताधारी महायुतीतच तुफान कुस्ती, राडा अन् धिंगाणा, ‘स्थानिक’ निवडणुकांमध्ये कुठं काय घडलं?

महाराष्ट्र पालिका निवडणुकांमध्ये अभूतपूर्व गोंधळ आणि हिंसक घटनांची नोंद झाली. राज्यात सत्तेत असलेल्या महायुतीतील तिन्ही प्रमुख पक्ष – शिवसेना (शिंदे गट), राष्ट्रवादी काँग्रेस (अजित पवार गट) आणि भाजप – यांचे समर्थक आणि नेतेच अनेक ठिकाणी एकमेकांना भिडले. यामुळे निवडणुकीच्या पारदर्शकतेवर गंभीर प्रश्नचिन्ह निर्माण झाले आहे. बुलडाण्यात शिंदे गटाचे आमदार संजय गायकवाड यांच्या मुलाने बोगस मतदाराला पळवून नेण्यास मदत केल्याचा आरोप आहे, तर जामनगरमध्ये शरद पवार गटाने बोगस मतदाराला पोलिसांच्या स्वाधीन केले. सिंधुदुर्गात निलेश राणे यांनी भाजप कार्यकर्त्यांवर पैसे वाटपाचा आरोप केला, तर मुक्ताईनगरमध्ये शिंदे गटाचे आमदार चंद्रकांत पाटील आणि भाजप कार्यकर्त्यांमध्ये हाणामारी झाली. रायगडमध्ये शिंदे गटाचे मंत्री गोगावले आणि अजित पवार गटाचे खासदार तटकरे यांच्या समर्थकांमध्येही मोठा राडा झाला. यामुळे सत्तेतील नेत्यांचे कार्यकर्तेच एकमेकांवर गुन्हे दाखल करत असताना, लोकशाहीची थट्टा उडाल्याचे चित्र आहे.