पॉवर प्रेझेंटेशन सुरू होण्यापूर्वी जनतेने पॉवर कट केली, आदित्य ठाकरेंच्या सादरीकरणावर भाजपची टीका

मुंबईत ठाकरे गटाच्या शिवसेनेचा सोमवारी निर्धार मेळावा पार पडणार आहे. या मेळाव्यात युवासेना प्रमुख आदित्य ठाकरे मतदार यादीतील कथित घोळासंदर्भात महत्त्वाचे सादरीकरण करणार आहेत. दिल्लीत राहुल गांधी यांनी ज्या प्रकारे सादरीकरण केले होते, त्याच धर्तीवर आदित्य ठाकरे मुंबईतील मतदार यादीतील अनियमितता मांडणार असल्याचे कळते. या सादरीकरणावरून आता भाजपने ठाकरे गटावर टीका केली आहे.

भाजपने म्हटले आहे की, संजय राऊत किंवा आदित्य ठाकरे यांनी पॉवर प्रेझेंटेशन करण्यापूर्वीच जनतेने त्यांची पॉवर कट केली आहे. या टीकेला उत्तर देताना खासदार संजय राऊत यांनी महाराष्ट्र आणि देशाच्या निवडणूक आयोगाला, तसेच मुख्यमंत्री देवेंद्र फडणवीस आणि त्यांच्या मंत्रिमंडळाला हे सादरीकरण काळजीपूर्वक पाहण्याचे आवाहन केले आहे. 27 तारखेला होणाऱ्या या सादरीकरणात डुप्लिकेट मतदार, स्थलांतरित मतदार आणि “एका-एका घरात 100-100 मतदार” असल्याचे पुरावे सादर केले जातील, असा दावा राऊत यांनी केला आहे. यामुळे महाराष्ट्राच्या राजकारणात मतदार यादीच्या मुद्द्यावरून नवा संघर्ष उफाळण्याची शक्यता आहे.