Ajit Pawar : महायुतीतून बाहेर पडून मुख्यमंत्री होण्याचा अजितदादांचा प्लॅन होता…; अतुल लोंढेंचा खळबळजनक दावा, विलिनीकरणाच्या चर्चांदरम्यान नवा राजकीय ट्विस्ट

राजकीय वर्तुळातून एक मोठी बातमी समोर येत आहे. अतुल लोंढे यांनी दावा केला आहे की, अजित पवार (दादा) यांचा महायुतीतून बाहेर पडून महाविकास आघाडीच्या माध्यमातून मुख्यमंत्री बनण्याचा प्लॅन होता. सध्या विलिनीकरणाच्या चर्चा सुरू असताना लोंढेंनी हा सनसनाटी दावा केला आहे.

अतुल लोंढे यांच्या म्हणण्यानुसार, अजित पवार आणि रोहित पवार त्या वेळी जिल्हा परिषदेचे उमेदवार ठरवत होते. ते पुढे म्हणाले की, दादा महायुतीतून बाहेर पडणार होते आणि त्यांना महाविकास आघाडीच्या माध्यमातून मुख्यमंत्री व्हायचे होते, अशी त्यांची माहिती आहे. लोंढे यांनी अजित पवारांच्या पूर्वीच्या राजकीय भूमिकांवरूनही प्रश्नचिन्ह उपस्थित केले आहे. पिंपरी चिंचवड आणि पुण्यामध्ये भाजपसोबत लढले का, असा सवाल त्यांनी केला. तसेच, दादांनी स्वतः पब्लिक डोमेनमध्ये बोललेल्या गोष्टी खोड्या आहेत का, असेही लोंढेंनी विचारले. त्यांच्या मते, दादा महायुतीतून बाहेर पडणार होते, ही गोष्ट स्पष्ट आहे आणि यासाठी पुराव्याची गरज नाही, कारण या घटना सगळ्यांच्या डोळ्यासमोर घडल्या आहेत.