Mahayuti : एकमेकांविरोधात लढा पण… महायुतीच्या बैठकीत ठरली खास रणनिती, इनसाईड बातमी समोर

महाराष्ट्रातील राजकीय वर्तुळात सध्या अनेक महत्त्वाच्या घडामोडी घडत आहेत. आगामी स्थानिक स्वराज्य संस्थांच्या निवडणुका विचारात घेता, महायुतीच्या नुकत्याच झालेल्या बैठकीत घटक पक्षांना महत्त्वपूर्ण सूचना देण्यात आल्या आहेत. स्थानिक पातळीवर निर्णय घेऊन आघाड्या कराव्यात आणि एकमेकांविरोधात लढण्याची वेळ आल्यास परस्पर टीका टाळावी, असे निर्देश बैठकीत देण्यात आले. महायुतीचे नेते वारंवार स्थानिक पातळीवर निर्णय घेण्यावर भर देत आहेत, कारण स्थानिक निवडणुका कार्यकर्त्यांना उभारी देणाऱ्या असतात. नगरपंचायत, जिल्हा परिषद आणि महापालिका निवडणुकांमध्ये महायुती कशा प्रकारे सामोरे जाते, हे पाहणे महत्त्वाचे ठरणार आहे.