सुतक काय, येतं-जातं! राजकारण थांबवून कसे चालेल? सामनाच्या अग्रलेखाने रंगली चर्चा

सुनेत्रा पवारांच्या उपमुख्यमंत्रीपदाच्या शपथविधीवरून सामनाने महाराष्ट्रातील राजकारणावर जोरदार टीका केली आहे. अजित पवारांच्या निधनाच्या धक्क्यातून महाराष्ट्र सावरला नसतानाच, सुनेत्रा पवारांनी उपमुख्यमंत्रीपदाची शपथ घेतल्याचे सामनाने म्हटले आहे. राजकारण खरोखरच लई वंगाळ झाले आहे असे यात म्हटले आहे. घरात सुतक असताना असा शपथ सोहळा हिंदुत्वाच्या चौकटीत बसत नाही, असेही सामनाने नमूद केले. या राजकीय घडामोडींमुळे पवार कुटुंबात आणि राज्याच्या घडामोडीत गुंता वाढला असून, तो सुटू नये यातच अनेकांचा स्वार्थ असल्याचेही सामनाने म्हटले आहे.

महाराष्ट्राच्या राजकारणात सध्या सुरू असलेल्या घडामोडींवर सामना वृत्तपत्राने तीव्र भाष्य केले आहे. सुनेत्रा पवारांच्या उपमुख्यमंत्रीपदाच्या शपथविधीनंतर, सुतक काय, येते आणि जाते. राजकारण थांबवून कसे चालेल? असा सवाल सामनाने उपस्थित केला आहे. अजित पवारांच्या निधनानंतर अवघ्या काही दिवसांतच हा शपथविधी पार पडल्याने राजकीय वर्तुळात अनेक प्रश्न निर्माण झाले आहेत. सामनाने यावर राजकारण खरोखरच लई वंगाळ झाले आहे अशी टिप्पणी केली आहे.

अजित पवारांच्या निधनाच्या धक्क्यातून महाराष्ट्र सावरला नसतानाच, शाह-फडणवीसांच्या राजकीय खेळीने दुसरा धक्का दिल्याचे सामनाचे म्हणणे आहे. अजित पवारांच्या चितेची आग विझण्यापूर्वीच सुनेत्रा पवारांनी उपमुख्यमंत्रीपदाची शपथ घेतल्याची नोंद सामनाने घेतली. घरात सुतक सुरू असताना असा शपथ सोहळा हिंदुत्वाच्या चौकटीत बसत नसल्याचे मतही सामनाने व्यक्त केले आहे.