Farmer Relief Package : फडणवीसांकडून शेतकऱ्यांसाठी 31, 628 कोटींचे मदत पॅकेज जाहीर, नेमक्या कोणत्या केल्या घोषणा?

महाराष्ट्र सरकारने शेतकऱ्यांसाठी 31,628 कोटी रुपयांचे मोठे मदत पॅकेज जाहीर केले आहे. मुख्यमंत्री देवेंद्र फडणवीस यांनी ही घोषणा केली. या पॅकेजअंतर्गत तीन हेक्टरपर्यंतच्या शेतकऱ्यांना विविध प्रकारची मदत दिली जाईल. कोरडवाहू शेतकऱ्याला प्रतिहेक्टरी 18,500 रुपये, हंगामी बागायती शेतकऱ्याला 27,000 रुपये आणि बागायती शेतकऱ्याला 32,500 रुपये प्रतिहेक्टरी मदत मिळणार आहे. रब्बी हंगामासाठी बियाणे आणि बि-बियाणांसाठी प्रतिहेक्टरी 10,000 रुपये दिले जातील. विमा उतरवलेल्या शेतकऱ्यांना अतिरिक्त 17,000 रुपये प्रतिहेक्टरी मिळतील. खरडून गेलेल्या जमिनीसाठी प्रतिहेक्टरी 47,000 रुपये रोख आणि नरेगाच्या माध्यमातून 3 लाख रुपये अशी एकूण 3 लाख 47 हजार रुपयांची मदत जाहीर झाली आहे.

पशुधनाच्या नुकसानीसाठी दुधाळ जनावरांसाठी 37,500 रुपये, ओढकाम करणाऱ्या जनावरांसाठी 32,000 रुपये आणि कुक्कुटपालनातील कोंबडीसाठी 100 रुपये प्रति कोंबडी भरपाई दिली जाईल. गाळ गेलेल्या विहिरींसाठी 30,000 रुपये प्रतिविहीर मदत, खराब झालेल्या घरांची पंतप्रधान आवास योजनेतून पुनर्बांधणी, डोंगरी भागातील घरांना अतिरिक्त 10,000 रुपये आणि नुकसानग्रस्त दुकानदारांना 50,000 रुपयांपर्यंत मदत देण्याचा निर्णय घेण्यात आला आहे. एकूण 253 तालुक्यांमध्ये ही मदत सरसकट दिली जाणार आहे.