BJP vs Congress : पाकिस्ताची औलाद, अमित साटम यांचं अस्लम शेख यांच्यावर ‘ते’ वक्तव्य अन्…भाजप-काँग्रेसमध्ये राडा, मालाडमध्ये घडलं काय?

मुंबईच्या मालवणी परिसरात भाजप आणि काँग्रेस कार्यकर्त्यांमध्ये मोठा राडा झाला. काँग्रेस आमदार अस्लम शेख यांना अटक करण्याच्या मागणीसाठी भाजपचे कार्यकर्ते मालवणी पोलीस ठाण्याबाहेर जमा झाले होते. यावेळी अस्लम शेख यांचे फोटो जाळण्यात आले आणि बॅनरही फाडण्यात आले. हा संघर्ष मुंबई भाजपचे अध्यक्ष अमित साटम यांच्या एका वादग्रस्त वक्तव्यामुळे सुरू झाला. अमित साटम यांनी अस्लम शेख यांना पाकिस्तानी औलाद असे संबोधले होते.

या वक्तव्याचा निषेध म्हणून अस्लम शेख यांच्या कार्यकर्त्यांनीही आंदोलन केले. अमित साटम यांना एका काँग्रेस कार्यकर्त्याकडून फेसबुक लाईव्हद्वारे धमकीही मिळाली. या घटनेमुळे मुंबईतील राजकीय वातावरण तापले असून, आगामी महानगरपालिका निवडणुकांपूर्वी दोन्ही पक्षांमधील संघर्ष अधिक तीव्र होण्याची शक्यता आहे. पोलिसांनी परिस्थिती नियंत्रणात आणण्यासाठी काही कार्यकर्त्यांना ताब्यात घेतले.