राजीनामा स्वीकारताच कोकाटेंच्या अटकेसाठी पोलीस रवाना

माणिकराव कोकाटे यांनी दिलेला राजीनामा उपमुख्यमंत्री अजित पवार यांनी स्वीकारला आहे. ही सध्याची एक महत्त्वाची घडामोड असून, अजित पवार यांनी हा राजीनामा मुख्यमंत्र्यांकडे सुपूर्द केला आहे.

एकीकडे कोकाटे यांच्या राजीनाम्याची प्रक्रिया सुरू असताना, दुसरीकडे त्यांच्या अटकेसाठी नाशिक पोलीस मुंबईला रवाना झाले आहेत. पोलीस आयुक्त संदीप कर्णिक यांच्या आदेशाने आणि नेतृत्वाखाली हे पथक मुंबईला निघाले असून, ते तिथे वॉरंट बजावणार आहेत.

सूत्रांनुसार, हे पोलीस पथक लिलावती रुग्णालयाच्या दिशेने जात असल्याची माहिती आहे. अजित पवार यांनी दिलेल्या माहितीनुसार,  न्यायालयाच्या निकालानंतर महाराष्ट्राच्या मंत्रिमंडळातील सदस्य व पक्षातील आमचे सहकारी माणिकराव कोकाटे यांनी आपला राजीनामा माझ्याकडे सुपूर्द केला. कायदे-नियम हे सर्वोच्च स्थानी असून ते कोणत्याही व्यक्तीपेक्षा सर्वोपरी आहेत. यामुळे माणिकराव कोकाटे यांच्या अडचणींमध्ये वाढ झाली आहे.