12 तारखेनंतर गंभीर परिणाम होतील; मनोज जरांगेंचा सरकारला इशारा, थेट…

मराठा आरक्षणासंदर्भात मनोज जरांगे पाटील यांनी राज्य सरकारवर तीव्र शब्दांत टीका केली आहे. ५८ लाख कुणबी नोंदी असूनही, मराठा समाजाला कुणबी प्रमाणपत्रे व हैदराबाद गॅझेटनुसार वैधता मिळण्यास विलंब होत असल्याने त्यांनी संताप व्यक्त केला. सरकारने संभाजीनगर, गंगापूर, गौर परभणी, बीड येथील प्रमाणपत्रे रद्द केल्याच्या घटनांचाही जरांगे पाटील यांनी उल्लेख केला. जरांगे पाटील यांनी म्हटले आहे की, “सरकार मराठा समाजाची हेळसांड करत आहे आणि आम्हाला हिणवत आहे.” त्यांनी १२ तारखेनंतर गंभीर परिणाम होतील असा इशारा दिला.

सरकारच्या कृतीमुळे मराठा समाजात तीव्र रोष निर्माण झाल्याचे त्यांनी नमूद केले. ते म्हणाले की, जर सरकारला संघर्ष करायचा असेल, तर मराठा समाज त्यासाठी तयार आहे. त्यांनी मुंबईपर्यंतच्या आंदोलनाचा निर्धार व्यक्त करत, पोलिसांना त्रास देणार नाही पण बॅरिकेड्स हटवणार असे स्पष्ट केले. देवेंद्र फडणवीस आणि एकनाथ शिंदे यांच्यावर त्यांनी टीका केली, त्यांच्या धोरणांमुळेच समाजात चीड निर्माण झाली आहे असे जरांगे पाटील यांनी म्हटले आहे.