Bacchu Kadu : बच्चू कडूंची पोलिसांना शिवीगाळ, त्रिशूल मोर्चामध्ये नेमकं काय घडलं?
आमदार बच्चू कडू यांनी चंद्रपूर व यवतमाळमधील कोळसा क्षेत्र प्रभावित गावांच्या मागण्यांसाठी त्रिशूल मोर्चा काढला. यावेळी कडू यांनी पोलिसांवर खालच्या पातळीत टीका करत शिवीगाळ केली. पोलीस वेस्टर्न कोलफिल्ड लिमिटेडकडून पैसे घेऊन आंदोलनकर्त्यांना त्रास देत असल्याचा आरोप त्यांनी केला. या प्रकारामुळे बच्चू कडू पुन्हा वादाच्या भोवऱ्यात सापडले आहेत.
चंद्रपूर आणि यवतमाळ जिल्ह्यातील कोळसा क्षेत्र प्रभावित गावातील लोकांच्या विविध मागण्यांसाठी शिवसेना आमदार बच्चू कडू यांनी त्रिशूल आंदोलन सुरू केले आहे. या आंदोलनाच्या निमित्ताने चंद्रपूर जिल्ह्यातील कोरपणा तालुक्यात असलेल्या पैनगंगा कोळसा खाणीपासून घुग्गुस शहरातील कारगिल चौकापर्यंत १५ किलोमीटर पायी मोर्चा काढण्यात आला.
मोर्चाच्या समारोपाच्या भाषणात बच्चू कडू यांनी पोलिसांवर अतिशय खालच्या पातळीत टीका करत शिवीगाळ केली. पोलिसांनी प्रकल्पग्रस्त आंदोलकांना त्रास दिल्याची आणि वेस्टर्न कोलफिल्ड लिमिटेडकडून (WCL) पैसे खाऊन आंदोलनकर्त्यांना धमकावत असल्याची गंभीर आरोप बच्चू कडू यांनी यावेळी केले.
या भाषणामुळे आमदार बच्चू कडू पुन्हा एकदा वादात सापडले आहेत. त्यांनी पोलिसांना उद्देशून अत्यंत अपमानास्पद शब्द वापरले, ज्यामुळे राजकीय आणि सामाजिक वर्तुळात तीव्र प्रतिक्रिया उमटण्याची शक्यता आहे. आंदोलनकर्त्यांच्या मागण्यांसाठी संघर्ष करत असताना पोलिसांवर अशी टीका करणे, नव्या वादाला निमंत्रण देणारे ठरले आहे.
