Mumbai BMC Elections: महापालिका निवडणुकीसाठी मुंबईतलं युती अन् आघाड्यांचे चित्र स्पष्ट! कोण कोणासोबत?

मुंबई महापालिका निवडणुकीचे राजकीय चित्र आता जवळपास स्पष्ट झाले आहे. भाजप आणि एकनाथ शिंदे यांच्या नेतृत्वाखालील शिवसेना युती करून लढणार आहे. त्यांनी १२८ जागा भाजपसाठी आणि ७९ जागा शिवसेनेसाठी निश्चित केल्या असून, उर्वरित २० जागांवर चर्चा सुरू आहे. या युतीचा उद्देश मुंबईचा विकास आणि सुरक्षितता असल्याचे म्हटले जात आहे. दुसरीकडे, उद्धव ठाकरे यांच्या नेतृत्वाखालील शिवसेना आणि महाराष्ट्र नवनिर्माण सेना (मनसे) एकत्र येत भाजप-शिंदे युतीला आव्हान देणार आहेत. त्यांच्या जागावाटपाबद्दल मात्र गुप्तता पाळण्यात आली आहे. काँग्रेस आणि वंचित बहुजन आघाडीनेही युतीची घोषणा केली आहे, ज्यात वंचितला ६२ जागा मिळतील. काँग्रेसने शरद पवारांच्या राष्ट्रवादीला केवळ नऊ जागांची तयारी दर्शवल्याची माहिती आहे. अजित पवार यांच्या नेतृत्वाखालील राष्ट्रवादी काँग्रेस स्वबळावर १०० जागा लढवण्याची तयारी करत आहे. शरद पवारांच्या राष्ट्रवादीचा मुंबईतील भूमिका अद्याप अस्पष्ट आहे, पण उमेदवारी अर्ज भरण्यासाठी अवघे दोन दिवस उरल्याने लवकरच घोषणा अपेक्षित आहे.