मुंबईकरांनो, रविवारी तिन्ही मार्गावर मेगाब्लॉक, कसा असणार मेगाब्लॉक?

Mumbai Local Mega Block : मुंबईतील लोकल प्रवाशांसाठी अतिशय मोठी आणि महत्त्वाची बातमी आहे. रविवारी 14 एप्रिल रोजी रेल्वेच्या पश्चिम, मध्य, हार्बर या तिन्ही मार्गावर मेगाब्लॉक घेण्यात येणार आहे. त्यामुळे प्रवाशांना गैरसोयीचा सामना करावा लागणार असल्याची शक्यता आहे. त्याच बरोबर रविवारी डॉ. बाबासाहेब आंबेडकर यांची जयंती देखील असल्याने प्रवाशांनी प्रवासाचे नियोजन करूनच घराबाहेर पडावे

कसा असणार मेगाब्लॉक?

ठाणे-कल्याण अप आणि डाऊन मार्गावर सकाळी 11 वाजल्यापासून ते दुपारी 4 वाजेपर्यंत हा संपूर्ण मेगाब्लॉक असणार आहे

हार्बर मार्गावर कुर्ला- वाशी सकाळी 11 वाजून 10 मिनिटांनी ते दुपारी 4 वाजून 10 मिनिटांपर्यंत हा मेगाब्लॉक असणार आहे

तर पश्चिम मार्गावर देखील बोरवली ते गोरेगाव या जलद मार्गावर सकाळी दहा ते दुपारी 3 वाजेपर्यंत हा संपूर्ण मेगाब्लॉक असणार आहे

तांत्रिक आणि रेल्वे रुळ दुरुस्ती या कामांसाठी हा मेगाब्लॉक घेण्यात येणार आहे. मात्र याच दिवशी डॉ. बाबासाहेब आंबेडकर यांची जयंती असल्यामुळे प्रवाशांचे जास्त हाल होणार असल्याचं म्हटलं जात आहे.