मुंबई-पुणे द्रुतगती महामार्गावर पुन्हा विशेष ब्लॉक, काय कारण? वाहनांना पर्याय कोणता?

पुणे : गेल्या आठवड्याभरापासून राज्यभरात मुसळधार पाऊस सुरु आहे. पुणे मुंबई द्रुतगती मार्गावर २३ जुलै रोजी सततच्या पावसामुळे दरड कोसळण्याची घटना घडली होती. यानंतर पुणे आणि मुंबईकडील वाहतुकीवर परिणाम झाल्याचे दिसून आला होता. मात्र सातत्यानं हा महामार्ग वाहनांनी रहदारीचा असल्याने तातडीने रस्त्यावरील दरड हटवण्याचे काम सुरू करण्यात आले. ही दरड हटवण्याच्या कामासाठी दोन तासांचा ब्लॉक घेण्यात आला होता. हा ब्लॉक घेऊन महामार्ग सुरळीत करण्यात आला होता. आता पुन्हा हा महामार्ग दुपारी 12 ते 2 या वेळेत बंद ठेवण्यात आला होता. लोणावळा परिसरात मुसळधार पाऊस सुरु आहे. या पावसामुळे अनेक ठिकाणी दरडी सैल झाल्या आहेत. या सैल झालेल्या दरडी हटवण्याचे काम या दोन तासात करण्यात आले.