2 पदवीधर, 3 शिक्षक मतदारसंघ निवडणुकांचा आज निकाल, गुलाल कुणाचा? पाहा…

मुंबई : राज्यातील 2 पदवीधर, 3 शिक्षक मतदारसंघाच्या निवडणुकीचा आज निकाल आहे. नाशिक आणि अमरावती या दोन पदवीधर मतदारसंघासह औरंगाबाद, नागपूर आणि कोकण शिक्षक मतदारसंघाची आत मतमोजणी होतेय. सकाळी 8 वाजल्यपासून मतमोजणीला सुरुवात झाली आहे. त्यामुळे या निवडणुकीत कोण बाजी मारणार याकडे सगळ्यांचं लक्ष लागलं आहे. या सगळ्या निवडणुकीमध्ये नाशिक पदवीधर मतदारसंघाच्या निवडणुकीकडे सर्वांचं लक्ष लागलंय. सत्यजीत तांबे यांच्या बंडखोरीनंतर नाशिकची लढत अधिक चुरशीची झाली. त्यामुळे अपक्ष उमेदवार सत्यजित तांबे विजयी होणार की मविआच्या उमेदवार शुभांगी पाटील?, हे पाहाणं महत्वाचं असेल.