Nashik | नाशिक आयटी कंपनीतील फरार आरोपी निदा खानच्या अटकपूर्व जामीन अर्जावर सुनावणी सुरू…

नाशिक शहरातील एका नामांकित मल्टिनॅशनल आयटी कंपनीत महिला कर्मचाऱ्यांचे लैंगिक शोषण आणि धर्मांतराच्या प्रयत्नांचे गंभीर प्रकार समोर आल्याने खळबळ उडाली. या प्रकरणातील महिला सूत्रधार निदा खानच्या अटकपूर्व जामीनावर आज सुनावणी होणार आहे.

नाशिकमधील लैंगिक शोषण, अत्याचार प्रकरणात सामिल असलेल्या निदा खानने, ‘ती गर्भवती आहे’ म्हणून अटक करू नये, असा जामीन अर्ज दाखल केला होता. आज नाशिकमधील न्यायालयात न्यायमूर्ती के. जी. जोशी यांच्यासमोर संबंधित प्रकरणावर सुनावणी होणार आहे.

नाशिक पोलिसांनी मोठी कारवाई करत अनेक आरोपींना अटक केली होती. मिळालेल्या माहितीनुसार, आरोपी मीटिंगच्या नावाखाली महिला कर्मचाऱ्यांचे लैंगिक शोषण करत असल्याचा आरोप आहे. तसेच काही कर्मचाऱ्यांवर दबाव टाकत मानसिक छळ आणि आक्षेपार्ह टिप्पणी करून त्यांचे मानसिक खच्चीकरण केल्याचाही आरोप करण्यात आला आहे. या प्रकरणात आतापर्यंत ९ गुन्हे दाखल करण्यात आले असून आसिफ अन्सारी, शफी शेख, शाहरुख कुरेशी, रजा मेमन यांना अटक करण्यात आली आहे.