Nashik Journalist Beating : काळजी करू नका… शिंदेंचा थेट पत्रकार ताजणेंना Video कॉल, उपचारांची जबाबदारी घेत काय दिलं आश्वासन?

नाशिकमध्ये पत्रकार किरण ताजणे यांच्यावर झालेल्या हल्ल्यानंतर महाराष्ट्राचे उपमुख्यमंत्री एकनाथ शिंदे यांनी त्यांच्याशी व्हिडीओ कॉलवर संवाद साधला.  किरण ताजणे यांना एकनाथ शिंदे यांनी हल्लेखोरांविरुद्ध कठोर कारवाईचे आश्वासन दिले. त्यांनी स्पष्ट केले की, दोषींना कोणत्याही परिस्थितीत सोडले जाणार नाही आणि त्यांच्यावर कठोर कायदेशीर कारवाई केली जाईल. शिंदे यांनी पोलिसांना योग्य ती कारवाई करण्याच्या सूचना दिल्या आहेत. पत्रकार किरण ताजणे यांच्या उपचारांची जबाबदारी सरकार स्वतःकडे घेतल्याचेही मुख्यमंत्री यांनी स्पष्ट केले. या घटनेमुळे महाराष्ट्रातील पत्रकार समुदायामध्ये भीतीचे वातावरण निर्माण झाले आहे.