कसारा घाटात नाशिक-मुंबई महामार्गावर वाहतूक कोंडी! मोठं कारण आलं समोर

कसारा घाटमाथ्यावरील नाशिक-मुंबई महामार्गावर कंत्राटी रोजंदारी कर्मचाऱ्यांनी तीव्र आंदोलन केले. आपल्या विविध मागण्यांसाठी त्यांनी ठिय्या आंदोलन करत महामार्ग रोखून धरला. या आंदोलनामुळे महामार्गाच्या दोन्ही लेनवरील वाहतूक पूर्णपणे विस्कळीत झाली. नाशिकहून मुंबईच्या दिशेने निघालेला हा मोर्चा राज्यपालांच्या भेटीसाठी जात आहे.

कंत्राटी कर्मचाऱ्यांनी आपल्या मागण्यांकडे शासनाचे लक्ष वेधण्यासाठी हे पाऊल उचलले आहे. महामार्गावर अचानक झालेल्या या आंदोलनामुळे लांबच लांब वाहनांच्या रांगा लागल्या होत्या. प्रवाशांना मोठ्या प्रमाणावर गैरसोयीचा सामना करावा लागला. आंदोलकांनी जोपर्यंत राज्यपालांची भेट होत नाही किंवा त्यांच्या मागण्यांवर ठोस आश्वासन मिळत नाही, तोपर्यंत आंदोलन सुरू ठेवण्याचा निर्धार केला आहे. या परिस्थितीवर नियंत्रण मिळवण्यासाठी पोलीस आणि वाहतूक विभागाचे अधिकारी घटनास्थळी दाखल झाले होते.