नाशिक : डॉ. झाकीर हुसैन शासकीय रुग्णालयात ऑक्सिजनची गळती झाल्यानंतर तब्बल 25 कोरोनाग्रस्तांचा मृत्यू झाला आहे. या घटनेमुळे संपूर्ण देशात खळबळ उडालीये. या पार्श्वभूमीवर राज्य सरकार तसेच नाशिक पालिकेवर गंभीर टीका होत आहे. तर दुसरीकडे मृतांच्या कुटुंबीयांना राज्य सरकारने तसेच नाशिक मनपाने वेगवेगळी मदत जाहीर केली आहे. याविषयी नाशिकचे पालकमंत्री छगन भुजबळ यांनी माहिती दिली आहे.