‘येवला सोडून मी कुठेही….,’ काय म्हणाले छगन भुजबळ

राष्ट्रवादी काँग्रेस पक्षाचे दोन दिवसीय अधिवेशन होत आहे. १८ आणि १९ तारखेला हे अजित पवार गटाचे हे अधिवेशन शिर्डी येथे होत आहे.या अधिवेशनात राष्ट्रवादीचे सर्व पदाधिकारी आणि नेते हजर राहणार आहेत. त्यामुळे या अधिवेशनात राष्ट्रवादीत नाराज असलेले छगन भुजबळ आणि वादग्रस्त ठरलेले धनंजय मुंडे उपस्थित राहणार काय ? असा सवाल केला जात आहे. या संदर्भात छगन भुजबळ यांना विचारण्यात आले असताना त्यांनी आपण मुंबईतून दिल्लीत गेलेलो नव्हतो असे स्पष्ट केले आहे. आपण समीर भाऊच्या डोळ्यांच्या डॉक्टरांची भेट घेण्यासाठी चेन्नईला गेलो होतो असे भुजबळ यांनी सांगितले. राज्यसभेत जाणार का असा सवाल केला असता आपल्याला मागे राज्यसभेत जाणार का विचारले होते? आता कुठे जाण्याचा प्रश्नच नाही, मी येवला सोडून कुठे जाणार नाही असेही छगन भुजबळ यांनी म्हटले आहे. आपले समता परिषदेचे काम सुरुच राहील. आपण कोणताही निर्णय लागलीच घेणार नाही असेही त्यांनी म्हटले आहे.