करपली भाकर; वाटा साखर! दोन्ही राष्ट्रवादी एकत्र येण्याचे संकेत?

राष्ट्रवादी काँग्रेसमध्ये फूट पडल्यानंतर, शरद पवार गट आणि अजित पवार गट यांच्यात पक्षचिन्ह आणि नावावरून कायदेशीर लढाई सुरू आहे. मात्र, पुणे महानगरपालिकेच्या राजकारणात दोन्ही गट एकत्र येण्याचे संकेत मिळत आहेत. भाजपविरोधात सर्व पक्षांनी एकत्र यावे का, या प्रश्नावर सुप्रिया सुळेंनी “तुमच्या तोंडात बारामतीची साखर पडो” असे उत्तर दिले, तर शरद पवारांचा फोटो बॅनरवर कायमस्वरूपी दिसेल का, यावर अजित पवारांनीही “तुझ्या तोंडात साखर पडो” अशीच प्रतिक्रिया दिली. कोर्टात एकमेकांविरोधात असलेले हे गट पुणे पालिकेत मात्र एकत्र दिसण्याची शक्यता वर्तवली जात आहे, ज्यामुळे महाराष्ट्राच्या राजकारणातील विसंगती अधोरेखित होत आहे. पुणे महानगरपालिकेतील कथित भ्रष्टाचाराच्या मुद्द्यावरही चर्चा सुरू आहे.

एकंदरीत, राष्ट्रवादीतील फुटीनंतर भाकर फिरली की नाही हा संशोधनाचा विषय असला तरी, कार्यकर्त्यांनी सत्तेच्या विरोधाचे चटके सोसत निष्ठेशी इमान राखले, त्यांच्या जखमांवर दोन्ही राष्ट्रवादी आता साखर पेरत आहेत. ही सारी राजकीय विसंगती विकास या गोंडस शब्दानं झाकली जात आहे आणि जनताही काही प्रमाणात यात मशगूल झाली असल्याचे निरीक्षण नोंदवले जात आहे.