Phaltan Doctor Death : डॉक्टर महिलेला माजी खासदाराचा फोन? अन् कशासाठी टाकला दबाव? दानवेंचा खळबळजनक आरोप

सातारा जिल्ह्यातील फलटण येथे एका महिला डॉक्टरने केलेल्या आत्महत्येमुळे राजकीय वर्तुळात आरोप-प्रत्यारोपांचे सत्र सुरू झाले आहे. विरोधी पक्षनेते अंबादास दानवे यांनी माजी खासदार रणजितसिंह निंबाळकर यांच्यावर या डॉक्टरला एका प्रकरणात दबाव टाकल्याचा गंभीर आरोप केला आहे.

दानवे यांच्या दाव्यानुसार, रणजितसिंह निंबाळकर यांनी डॉक्टरवर फोन करून दबाव टाकण्याचा प्रयत्न केला होता. या प्रकरणातील पीडित डॉक्टर फलटण उपजिल्हा रुग्णालयाच्या पोस्टमॉर्टम विभागात कार्यरत होत्या. त्यांच्यावर पोस्टमॉर्टम रिपोर्ट बदलण्यासाठी वारंवार दबाव आणला जात होता, अशी माहिती समोर आली आहे. या संदर्भात डॉक्टरने पोलिसांत लेखी तक्रारही दिली होती, ज्यात एका खासदाराचा उल्लेख असल्याचे म्हटले जाते.

आत्महत्या प्रकरणात प्रशांत बनकर या आरोपीला पुण्यातून अटक करण्यात आली आहे. मात्र, मुख्य संशयित आरोपी पोलीस उपनिरीक्षक गोपाल बदणे अद्याप फरार आहे. फलटण पोलीस त्याचा शोध घेत आहेत. कुटुंबीयांनी या प्रकरणाची सखोल एसआयटी चौकशी आणि जलदगती न्यायालयात सुनावणीची मागणी केली आहे. संजय राऊत यांनी गृहखात्याच्या कार्यपद्धतीवर तीव्र शब्दांत टीका केली आहे.