Kalyan : महायुतीत खदखद! भाजपकडेच कार्यकर्त्यांचा ओघ; मनसे, शिवसेनेसह काँग्रेसमध्ये नाराजीचा स्फोट अन्… माजी भाजप आमदाराचा दावा
कल्याणमध्ये विविध पक्षांतील (मनसे, शिवसेना, ठाकरे गट, काँग्रेस) नाराज कार्यकर्ते भाजपमध्ये प्रवेश करत असल्याचे माजी आमदार नरेंद्र पवार यांनी सांगितले. पक्षश्रेष्ठींकडून प्रतिसाद न मिळाल्याने ते भाजपमध्ये येत आहेत. महायुतीअंतर्गत भाजप-शिवसेना कार्यकर्ते बदलत असले तरी यामुळे महायुती मजबूत होत असल्याचे त्यांचे मत आहे.
माजी आमदार नरेंद्र पवार यांनी कल्याणमधील सध्याच्या राजकीय परिस्थितीवर भाष्य केले. मनसे, शिवसेना (शिंदे आणि ठाकरे गट), तसेच काँग्रेसमधील नाराज कार्यकर्ते भाजपमध्ये मोठ्या संख्येने प्रवेश करत असल्याचे त्यांनी सांगितले. केंद्रात आणि राज्यात भाजपची सत्ता असल्याने तसेच प्रदेशाध्यक्ष रवींद्र चव्हाण यांच्या नेतृत्वामुळे अनेकजण भाजपमध्ये येत आहेत. आपल्या मूळ पक्षात नेत्यांकडून सन्मान आणि कामांना प्रतिसाद न मिळाल्याने कार्यकर्त्यांमध्ये नाराजी असल्याचे त्यांनी नमूद केले. भाजपमध्ये येणारे कार्यकर्ते महायुतीचाच भाग असल्याने यामुळे युतीची ताकद वाढत असल्याचे पवार म्हणाले. कल्याण-डोंबिवलीच्या विकासासाठी महायुतीतील अंतर्गत वाद मिटवून एकजुटीने काम करणे आवश्यक असल्याचे मत त्यांनी व्यक्त केले. आगामी महानगरपालिका निवडणुकीत भाजपचाच महापौर होईल, असा विश्वासही त्यांनी व्यक्त केला.
राणीच्या बागेतील दोन्ही वाघांचा मृत्यू, कारण लपवण्याचं कारण काय?
'अडीच वर्षाचा स्पीड ब्रेकर सोडला, तर गेल्या 11 वर्षात प्रगतीचं...'
पुतीन यांची भारताला मोठी ग्वाही अन् रशिया-भारत करारांवर दिला भर
भारत-रशियात महत्त्वपूर्ण करार, PM मोदी म्हणाले आता व्यापारी संबंधाना..
