Pradeep Purnekar : प्रदीप पूर्णेकर प्रकरणात मोठा खुलासा; पप्या शिंदे-संतोष कनोजियाने रचला कट, नेमकं काय घडलं?

प्रदीप पूर्णेकर हत्या प्रकरणामध्ये एक महत्त्वाचा खुलासा झाला आहे. पोलीस तपासामध्ये समोर आलेल्या माहितीनुसार, पप्या शिंदे आणि संतोष कनोजिया यांनी पूर्णेकरांच्या हत्येचे पूर्वनियोजन केले होते. हत्येचा कट रचण्यात या दोघांचा मुख्य सहभाग असल्याचे पोलीस तपासात निष्पन्न झाले आहे.

या प्रकरणात पप्या शिंदेच्या भूमिकेबद्दल अधिक माहिती समोर आली आहे. हत्येनंतर आरोपींना घटनास्थळावरून पळून जाण्यासाठी आवश्यक असलेल्या वाहनाची व्यवस्था पप्या शिंदेनेच केली होती. त्याने आपल्या गॅरेज व्यावसायिक मित्राकडून एक जुनी चारचाकी गाडी घेतली होती. ही गाडी पूर्णेकरांच्या हत्येनंतर फरार होण्यासाठी वापरण्यात आली.

या संदर्भात एक महत्त्वाचा पुरावा पोलिसांच्या हाती लागला आहे. गॅरेजचे मालक विजय पाटील यांनी पप्या शिंदेला एक ऑडिओ मेसेज पाठवला होता. या मेसेजमध्ये विजय पाटील यांनी आपली गाडी परत मागितली होती. ते म्हणाले होते की, “मला गाडी लागणार आहे. मला उल्हासनगरला जायचं आहे. बर्थडे आहे, मला जायचंय तिकडे, गाडी लागणार आहे मला. नाहीतर मला ओला बुक करून जायला लागेल.” या ऑडिओ मेसेजमुळे पोलिसांना तपासात आणखी महत्त्वाचे दुवे मिळाले आहेत, ज्यामुळे हत्येच्या कटाचा उलगडा होण्यास मदत झाली आहे. पोलीस या प्रकरणाचा अधिक तपास करत आहेत.