Prashant Koratkar : प्रशांत कोरटकर जामीनासाठी अर्ज करणार

प्रशांत कोरटकर याची रवानगी आता न्यायालयीन कोठडीत करण्यात आलेली आहे. प्रशात कोरटकर आता जामीनासाठी अर्ज करणार असल्याची देखील माहिती समोर आली आहे. छत्रपती शिवाजी महाराज आणि छत्रपती संभाजी महाराजांबद्दल केलेल्या अवमानकारक विधानानंतर आणि इतिहासकार इंद्रजीत सावंत यांना धमकी दिल्या प्रकरणी कोरटकरवर कारवाई करण्यात आलेली आहे. त्याला कोल्हापूर पोलिसांनी ताब्यात घेतल्यानंतर याआधी त्याची रवानगी पोलीस कोठडीत करण्यात आलेली होती. आता कोरटकरला न्यायालयीन कोठडीत ठेवण्यात आलेलं आहे. कोरटकर हा जामीनासाठी अर्ज करणार असल्याची देखील माहिती सूत्रांनी दिली आहे.