मुसळधार पावसामुळे अनेक शाळांना सुट्टी जाहीर

पुण्यात मुसळधार पावसाने शहरात हाहाकार माजवला आहे. रात्रीपासून सुरू असलेल्या या पावसामुळे पुण्यातील अनेक भाग पाण्याखाली गेले आहेत. अनेक ठिकाणी झाडे कोसळल्याच्या घटना घडल्या आहेत. यामुळे शहरातील वाहतूक व्यवस्था विस्कळीत झाली आहे. पावसाचा जोर लक्षात घेऊन, हडपसर परिसरातील बहुतेक शाळांनी विद्यार्थ्यांना सुट्टी जाहीर केली आहे. पुणे महापालिकेने नागरिकांना काळजी घेण्याचे आवाहन केले आहे. पावसाचा जोर कमी झाल्यावरच परिस्थितीचा अंदाज येऊ शकेल.