एमपीएससीचे शेकडो विद्यार्थी अन् सरकारविरोधात घोषणाबाजी; शरद पवारांच्या भेटीनंतर 39 तासांचं आंदोलन अखेर मागे

पुणे : परीक्षा पद्धतीची नवी प्रणाली 2025 पासून लागू करण्याचा निर्णय जाहीर करा, अशी मागणी करत एमपीएससीच्या विद्यार्थ्यांनी पुण्यात आंदोलन केलं. 39 तासांनंतर हे आंदोलन मागे घेण्यात आलं. शरद पवारांच्या मध्यस्थीनंतर विद्यार्थ्यांनी आपलं आंदोलन मागे घेतलं आहे. विद्यार्थ्यांची एक समिती स्थापन करून स्वतः शरद पवार मुख्यमंत्र्यांसोबत बैठक करणार आहेत. तसा शब्द शरद पवारांनी आंदोलक विद्यार्थ्यांना दिला. त्यानंतर विद्यार्थ्यांनी आपलं आंदोलन मागे घेतलं. रात्री उशिरा शरद पवार यांनी आंदोलक विद्यार्थ्यांची भेट घेतली. त्यानंतर हे आंदोलन मागे घेण्यात आलं आहे.