Rahul Narvekar : आंदोलन करून राजीनामा घेणं हे..; अभिजीत दीपकेंबद्दल राहुल नार्वेकर स्पष्टच बोलले

माध्यमांसमोर बोलताना राहुल नार्वेकर यांनी सध्याच्या राजकीय आंदोलनांवर भाष्य केले. लोकशाहीमध्ये विरोध प्रदर्शित करण्याचा अधिकार प्रत्येकाला असतो आणि विविध विचार असणे अपेक्षित आहे, परंतु विरोध दर्शवताना अराजकता पसरवणे किंवा असंविधानिक मार्गांचा अवलंब करणे हे लोकशाहीसाठी अत्यंत घातक आहे, असे राहुल नार्वेकर यांनी स्पष्ट केले.

सभागृहातील सदस्य सभागृहात जाऊन विरोध करण्याऐवजी रस्त्यावर मोर्चे काढत असल्याबद्दल त्यांनी नाराजी व्यक्त केली. ज्या कामासाठी लोकांना निवडून दिले आहे, ते सोडून केवळ अराजकता पसरवण्याचा प्रयत्न केल्यास जनता ते कधीही खपवून घेणार नाही, असे नार्वेकर यांनी नमूद केले. जंतर मंतरवरील गोंधळाचे उदाहरण देत, शिवाजी पार्कसारख्या ठिकाणी अशा उपद्रवाला थारा देऊ नये, असे आवाहन त्यांनी केले. विरोधाच्या नावाखाली पसरवली जाणारी अराजकता समाजासाठी घातक असून, समाजच तिची सफाई करेल, असा विश्वास त्यांनी व्यक्त केला.