Raj Thackeray : …नाहीतर पद सोडा, इतक्या दिवसात काय काम केलं? राज ठाकरे पदाधिकाऱ्यांवर भडकले, पुण्यात नेमकं काय घडलं?

महाराष्ट्र नवनिर्माण सेनेचे अध्यक्ष राज ठाकरे हे सध्या पुणे दौऱ्यावर आहेत. राज ठाकरे यांनी पुणे दौऱ्यात पदाधिकारी आणि कार्यकर्त्यांची बैठक घेतली. या बैठकीत ते पदाधिकाऱ्यांवर चांगलेच संतापल्याचे पाहायला मिळाले. आगामी स्थानिक स्वराज्य संस्थांच्या निवडणुका लक्षात घेता, त्यांनी पदाधिकाऱ्यांच्या निष्क्रियतेवर तीव्र नाराजी व्यक्त केली.

“काम करा नाहीतर पद सोडा,” अशा स्पष्ट शब्दांत राज ठाकरे यांनी पदाधिकाऱ्यांचे कान टोचले. ज्यांनी आतापर्यंत काहीच काम केले नाही, त्यांना त्यांनी “इतक्या दिवसात काय काम केलं?” असा थेट सवालही विचारला. पक्षाचे काम न करणाऱ्यांना पदावरून काढून टाकण्याचा इशाराही त्यांनी दिला. केवळ पद भूषवून चालणार नाही, तर पक्षासाठी सक्रिय काम करणे आवश्यक आहे, असे राज ठाकरे यांनी या बैठकीत नमूद केले.