Children Hostage Rohit Arya case : त्या स्टुडिओत नेमकं काय घडलं ? ओलीसांनी सांगितला थरारक अनुभव

पवई येथील आरए स्टुडिओमध्ये नुकत्याच घडलेल्या एका घटनेने खळबळ उडवून दिली आहे. येथे काही मुलांना ओलीस ठेवल्याचा एक थरारक प्रकार समोर आला त्यामुळे एकच गदारोळ माजला. त्या स्टुडिओमध्ये नेमकं काय घडलं, याची माहिती तेथे उपस्थित असलेल्या प्रत्यक्षदर्शींनी दिली.

साक्षीदार महिलेच्या सांगण्यानुसार, ती आपल्या मुलीच्या शूटिंगसाठी स्टुडिओत उपस्थित होते. 26 तारखेपासून ते नियमितपणे तेथे जात होते. काल दिवशी अचानक गोंधळ झाला आणि मुलांना व काही प्रौढांना पहिल्या मजल्यावर बसवले. स्टुडिओच्या कर्मचाऱ्यांना खाली थांबवण्यात आले, तर वरच्या मजल्यावर असलेल्यांना त्यांनी आतून बंद केले. सुरुवातीला हा एखाद्या शूटिंगचा भाग वाटला. मात्र, थोड्या वेळाने खालच्या मजल्यावरून पालकांच्या मोठ्या आवाजात रडण्याचा आवाज ऐकू आला. एका मुलीच्या आजीने तिच्या आईला फोन करून घडलेल्या प्रकाराची माहिती दिल्याने परिस्थितीचे गांभीर्य लक्षात आले.