Saamana : शिंदेंचा पक्ष म्हणजे बुडबुडे… शिंदेंना भाजपकडून कवडीचीही किंमत नाही…’नाराजी’ नाट्य कोसळणार! ‘सामना’तून हल्लाबोल

मुख्यमंत्री देवेंद्र फडणवीस आणि उपमुख्यमंत्री  एकनाथ शिंदे यांच्यातील राजकीय संबंधांवर सध्या अनेक चर्चा सुरू आहेत. विविध सार्वजनिक कार्यक्रमांमधील त्यांच्या देहबोलीतून आणि कृतीतून महायुतीत सर्वकाही आलबेल नसल्याचे संकेत मिळत आहेत. अशातच सामना वृत्तपत्राने शिवसेना नेते आणि उपमुख्यमंत्री एकनाथ शिंदे यांच्यावर जोरदार टीका केली आहे. महाराष्ट्रात नाराजीनाट्य कोसळणार आहे, असं म्हणत सामनातून एकनाथ शिंदेंवर जोरदार टीका करण्यात आली आहे. तर भाजप एकनाथ शिंदे यांना कवडीचीही किंमत द्यायला तयार नाही आणि शिंदेंना त्यांची जागा दाखवण्याचा लोटस कार्यक्रम सुरू झाला आहे, अशी खोचक टीका सामनातून करण्यात आली आहे.

रवींद्र चव्हाणांनी मोठी रक्कम देऊन माणसे फोडल्याच्या तक्रारीवर अमित शहांना हसू आवरले नाही, असेही सामनाने म्हटले आहे. तर सामनाने शिंदेंचा पक्ष म्हणजे बुडबुडे आहेत आणि त्यांनी शिवसेना फोडताना जी तलवार वापरली, त्याच तलवारीने आता त्यांचा घात होत असल्याचे म्हटले आहे.