Sanjay Raut Meets Raj Thackeray : संजय राऊत राज ठाकरेंच्या भेटीला शिवतीर्थावर, 20 मिनिटं काय झाली खलबतं?
शिवतीर्थावर खासदार संजय राऊत आणि राज ठाकरे यांच्यात 20 मिनिटे चर्चा झाली. आगामी निवडणुकांसाठी प्रचाराची रणनीती, युतीची रूपरेषा, संयुक्त सभा आणि उद्धव ठाकरे-राज ठाकरे यांच्या एकत्रित वचननाम्याच्या प्रकाशनावर बैठकीत विचारमंथन झाले. उद्या १२ वाजता शिवसेना भवन येथे हा वचननामा प्रसिद्ध केला जाईल.
खासदार संजय राऊत यांनी आज शिवतीर्थावर महाराष्ट्र नवनिर्माण सेनेचे अध्यक्ष राज ठाकरे यांची भेट घेतली. आगामी निवडणुकांच्या पार्श्वभूमीवर ही भेट महत्त्वाची मानली जात आहे. दोन्ही नेत्यांमध्ये सुमारे 20 मिनिटे चर्चा झाली, ज्यामध्ये आगामी प्रचाराची रणनीती आणि ठाकरे गट व मनसे यांच्यातील संभाव्य युतीची रूपरेषा यावर विचारविनिमय झाल्याची शक्यता वर्तवण्यात येत आहे. या भेटीदरम्यान, उद्धव ठाकरे आणि राज ठाकरे यांच्या एकत्रित मुलाखतीवर तसेच संयुक्त सभांवरही चर्चा झाल्याची माहिती सूत्रांनी दिली. विशेषतः, उद्या प्रसिद्ध होणाऱ्या वचननाम्यावर सविस्तर चर्चा झाली. उद्या १२ वाजता शिवसेना भवन येथे उद्धव ठाकरे आणि राज ठाकरे यांच्या उपस्थितीत हा वचननामा प्रसिद्ध केला जाणार आहे. वचननाम्यात कोणते मुद्दे असावेत, यावरही राऊत आणि राज ठाकरे यांच्यात चर्चा झाल्याचे समजते.
मुंबईसाठी प्रकाशित केलेल्या ठाकरे बंधूंच्या वचननाम्यात नेमकं काय?
चंद्रपूरनंतर अमरावतीत फडणवीसांचा रोड शो; भाजप नेत्यांचा सहभाग
बडोद्याचं साम्राज्या मराठेशाहीचं, गुजराती महापौर कसे? ठाकरेंचा सवाल
...तर निवडणुका नकोत; सोलापूर प्रकरणी अमित ठाकरे संतापले

