Sanjay Raut : सहन होत नाही आणि सांगता येत नाही… एमपीएससी आंदोलनावरून संजय राऊतांनी सरकारला घेरलं

शिवसेना (उद्धव बाळासाहेब ठाकरे) नेते संजय राऊत यांनी पुण्यातील एमपीएससी आंदोलनासह अनेक मुद्द्यांवरून सरकारवर तीव्र टीका केली आहे. सरकार घोटाळ्यांमध्ये सामील असून, त्यांच्यावर दगडाखाली हात अडकल्यासारखी परिस्थिती आल्याचे राऊत म्हणाले. “सहन होत नाही आणि सांगता येत नाही” अशी सरकारची अवस्था झाल्याचे त्यांनी नमूद केले.

एमपीएससी आयोगाच्या अध्यक्षांचा राजीनामा घेण्यास सरकार तयार नाही, तर दिल्लीत मतचोरीविरोधात आंदोलन सुरू आहे. नीट पेपरफुटी प्रकरणात पकडले गेलेले आठ जण भाजप आणि राष्ट्रीय स्वयंसेवक संघाशी संबंधित असल्याचा आरोपही राऊत यांनी केला. लोकसेवा आयोगात देवेंद्र फडणवीस यांनी विशिष्ट विचारधारेचे लोक भरल्याने त्यांना कसे काढणार, असा प्रश्न त्यांनी उपस्थित केला.

राज ठाकरे यांनी पुण्यातील एमपीएससी आंदोलनासंदर्भात मुख्यमंत्र्यांची भेट घेतल्यानंतर, राऊत यांनी या भेटीचे स्वागत केले. मुख्यमंत्र्यांचे आणि राज ठाकरेंचे संबंध जिव्हाळ्याचे असल्याने, मुख्यमंत्री त्यांच्या मंत्र्यांचे ऐकणार नसले तरी राज ठाकरेंचे ऐकतील, आणि एमपीएससी विद्यार्थ्यांना चांगली बातमी मिळेल, अशी अपेक्षा राऊत यांनी व्यक्त केली.