Sanjay Raut : सुपरस्टार vs लूजर प्रचारक.. त्यांचा अपमान करू नका, राऊतांचा फडणवीसांना खोचक टोला काय?

मुख्यमंत्री देवेंद्र फडणवीस यांना सुपरस्टार प्रचारक म्हटले पाहिजे असे संजय राऊत यांनी म्हटले आहे. स्टार प्रचारक म्हणून फडणवीसांचा अपमान करू नका, अशा खोचक शब्दात राऊतांनी त्यांना टोला लगावला. या वक्तव्यावर नवनाथ बन यांनी तीव्र प्रतिक्रिया देत संजय राऊत यांना महाराष्ट्राचे लूजर स्टार असे संबोधले आहे. बन यांच्या मते, संजय राऊत आणि उद्धव ठाकरे यांच्या शिवसेनेने आजपर्यंत सर्व निवडणुका हरल्या आहेत. राऊतांच्या नेतृत्वात किंवा उबाठा गटाच्या नेतृत्वात त्यांना एकदाही यश मिळालेले नाही, असे बन यांनी म्हटले.

याउलट, देवेंद्र फडणवीस हे महाराष्ट्राचे सुपरस्टार आहेत आणि जनतेने त्यांना एक, दोन नव्हे तर तीन वेळा सुपरस्टार म्हणून निवडून दिले आहे. महाराष्ट्राबाहेरही भाजपमध्ये आता जन्मतः स्टार निर्माण होत आहेत, असेही नवनाथ बन यांनी नमूद केले. राऊतांनी फडणवीसांचा स्टार म्हणून अपमान करू नये, ते सुपरस्टार आहेत, असे बन यांनी स्पष्ट केले.