Sanjay Shirsat : आम्ही 2022 ला काहीतरी केलं….; संजय शिरसाटांच्या त्या विधानाने राजकीय चर्चांना उधाण

औरंगाबाद पदवीधर मतदारसंघाच्या निवडणुकीच्या प्रचारात शिवसेनेचे (शिंदे गट) आमदार संजय शिरसाट यांनी २०२२ च्या महाराष्ट्रातील राजकीय घडामोडींवर मोठे विधान केले. छत्रपती संभाजीनगर येथे बोलताना ते म्हणाले, “आम्ही २०२२ ला काहीतरी केले, त्यामुळे मी मंत्री झालो. त्यासाठी खूप त्रास सहन करावा लागला.” त्यांच्या या विधानाने राजकीय वर्तुळात चर्चांना उधाण आले आहे.

शिरसाट यांनी यावेळी महायुतीमधील सहकारी आणि माजी उपमुख्यमंत्री अजित पवार यांचे तोंडभरून कौतुक केले. अजित दादांनी आपल्यासाठी खूप काम केले असून त्यांना कधीही विसरू नये, असे त्यांनी म्हटले. अजित पवार महायुतीमध्ये येणार हे आपले भाकीत खरे ठरल्याचेही त्यांनी सांगितले.

या निवडणुकीत पक्षाच्या कार्यकर्त्यांच्या महत्त्वावर त्यांनी विशेष भर दिला. “कार्यकर्ता ही माझी ढाल आहे, कवचकुंडल आहे,” असे शिवसेनाप्रमुख बाळासाहेब ठाकरे म्हणत असत, याची आठवण त्यांनी करून दिली. कार्यकर्त्यांच्या योगदानानेच आपल्याला सत्ता मिळते आणि खुर्चीवर बसता येते, असे शिरसाट यांनी स्पष्ट केले. मराठवाड्यातील या निवडणुकीत महाविकास आघाडीला नेस्तनाबूत करून महायुतीचा उमेदवार सतीश चव्हाण यांना मोठ्या मताधिक्याने विजयी करण्याचे आवाहन त्यांनी केले.