Saroj Patil : आमचा अजित नारळा सारखा… वरून कठीण पण आतून मऊ तर रोहित पवारांबद्दल काय म्हणाल्या सरोज माई?

सांगली जिल्ह्यातील इस्लामपूरमध्ये महात्मा फुले शिक्षण संस्थेच्या प्रा. डॉ. एन.डी. पाटील विधी महाविद्यालय, श्रीमती सरोज नारायण पाटील (माई) मानसशास्त्र संशोधन केंद्र आणि प्रा. डॉ. एन. डी. पाटील बहुउद्देशीय सभागृहाचा उद्घाटन सोहळा व प्रारंभोत्सव कार्यक्रम आज दिग्गजांच्या उपस्थितीत झाला. यावेळी शरद पवार यांच्या बहीण आणि राज्याचे उपमुख्यमंत्री अजित पवार यांच्या आत्या सरोज पाटील माई यांनी केलेलं भाषण चांगंलच गाजलं.

सरोज पाटील माई यांनी आपल्या भाषणात अजित पवार आणि रोहित पवार यांचं तोंडभरून कौतुक केल्याचे पाहायला मिळाले. अजित पवार यांच्याबद्दल बोलताना सरोज माई पाटील म्हणाल्या, अजितदादा वरून आक्रमक दिसत असला तरी आतून गोड आहे. वरून कठीण दिसत असला तरी आतून तो नारळासारखा आहे. ज्या ज्या वेळी आमच्या घरावर संकट आलं त्यावेळी अजित धावून आल्याचे त्यांनी म्हटले तर रोहित पवारांचं कौतुक करताना त्या म्हणाल्या, उगवता तारा म्हणजे रोहित पाटील.. आमचा लाडका रोहित पवार आता चांगलाच धीट झालाय. चांगल्या पद्धतीने भाषण देऊ लागलाय..