Phaltan Doctor Death : …म्हणून डॉक्टर महिलेच्या आत्महत्येची घटना घडली, धनंजय मुंडेंनी स्पष्टच म्हटलं…

धनंजय मुंडे यांनी पीडित महिला डॉक्टर संपदाच्या कुटुंबीयांची भेट घेतली आणि त्यांना दिलासा दिला. वैद्यकीय अधिकाऱ्यांच्या त्रासाला कंटाळून ही घटना घडल्याचे कुटुंबीयांचे म्हणणे आहे. डॉक्टर संपदाने आत्महत्या केली यावर विश्वास ठेवण्यास कुटुंबीय तयार नाहीत. त्यांच्या मते, ही हत्या घडवून आणली आहे. कुटुंबीयांनी दिलेल्या माहितीनुसार, घटनेच्या दोन दिवस आधी डॉक्टर संपदाने तिच्या लहान भावाला फोन करून सांगितले होते की पीजी (पदव्युत्तर शिक्षण) साठी कास्ट सर्टिफिकेट काढून घ्यावे लागेल. ज्या डॉक्टरला आपले भविष्य घडवायचे आहे आणि पीजी करण्याची तयारी सुरू केली आहे, ती आत्महत्या करू शकत नाही, असे कुटुंबीयांचे स्पष्ट मत आहे. या गंभीर प्रकरणाच्या चौकशीची मागणी करत धनंजय मुंडे यांनी यापूर्वीही मुख्यमंत्र्यांना एसआयटी नेमण्याची विनंती केली होती.