Parth Pawar Land Deal : पार्थवर गुन्हा कसा नाही? आजोबा शरद पवारांचा मुख्यमंत्र्यांना रोखठोक सवाल

पुण्यातील एका वादग्रस्त सरकारी जमीन व्यवहार प्रकरणात अमिडिया कंपनीचे संचालक पार्थ पवार यांच्यावर गुन्हा दाखल न झाल्याने राजकीय वर्तुळात चर्चांना उधाण आले आहे. याच कंपनीचे अन्य संचालक दिग्विजय पाटील (ज्याचे एक टक्के शेअर्स आहेत), जमिनीची पॉवर ऑफ अटर्नी धारक शीतल तेजवानी आणि उपनिबंधक रवींद्र तारू यांच्यावर गुन्हे दाखल करण्यात आले आहेत. मात्र ९९ टक्के शेअर्स असलेले पार्थ पवार यातून वगळले गेले आहेत.

या प्रकरणी पार्थ पवारांचे आजोबा, ज्येष्ठ नेते शरद पवार यांनी थेट राज्याचे मुख्यमंत्री यांना “पार्थ पवारांवर गुन्हा का नाही?” असा रोखठोक सवाल केला आहे. यावर मुख्यमंत्र्यांनी असे उत्तर दिले की, ज्यांनी रजिस्ट्रीवर सह्या केल्या आहेत, त्यांच्यावर कारवाई झाली आहे आणि पार्थ पवार यांनी रजिस्ट्रीवर सही केली नसल्यामुळे त्यांच्यावर गुन्हा नाही. या प्रकरणाला गंभीर असल्याचे मुख्यमंत्री स्वतः म्हणाले होते, त्यामुळे पारदर्शक चौकशी व्हावी अशी शरद पवारांनी अपेक्षा व्यक्त केली. दरम्यान, या प्रकरणी दोषी असलेले तिघेही सध्या फरार आहेत, ज्यात शीतल तेजवानी परदेशात पळून गेल्याची शक्यता वर्तवली जात आहे.