शिंदे गट की शिवसेना? दसरा मेळावा कोणाचा?; शरद पवार म्हणतात एकनाथ शिंदेंनाही अधिकार पण…

मुंबई :  सध्या दसरा मेळाव्यावरून राजकारण चांगलंच तापलं आहे.  दसरा मेळावा घेण्यावरून शिवसेना (Shiv Sena) आणि शिंदे  गट आमने-सामने आल्याचं पहायला मिळत आहे. शिवसेना शिवाजी पार्कवर दसरा मेळावा घेण्यासाठी आग्रही आहे. दुसरीकडे  शिंदे गटाकडून देखील दसरा मेळाव्यासाठी शिवाजी पार्कचीच मागणी करण्यात आली होती. मात्र अद्यापही दसरा मेळाव्यासाठी शिवाजी पार्क कोणाला मिळणार हा प्रश्न अनुत्तरीत आहे. आता या वादावर राष्ट्रवादीचे अध्यक्ष शरद पवार (Sharad Pawar) यांनी आपलं रोखठोख मत मांडलं आहे. एकनाथ शिंदेंनाही (Eknath Shinde) दसरा मेळावा घेण्याचा अधिकार आहे.  त्यासाठी त्यांना बीकेसीचं मैदान देण्यात आलं आहे. मात्र शिवाजी पार्क म्हटलं की शिवसेनाच असं मत शरद पवारांनी व्यक्त केलं आहे.