शिवसेना नेत्या दीपाली सय्यद यांच्यावर मनसे कार्यकर्ते भडकले; म्हणाले, ‘मोठं होण्यासाठी…’

मुंबई, २६ ऑगस्ट २०२३ | मनसे चांदीवली विधानसभेकडून शिवसेना नेत्या दीपाली सय्यद यांच्या विरोधात आंदोलन करण्यात आले होते. चांदिवली विधानसभेचे शिवसेनेचे आमदार दिलीप लांडे यांच्या मतदारसंघात दीपाली सय्यद यांचा कार्यक्रम असल्यामुळे दिपाली सय्यद यांच्या गाड्यांचा ताफा असल्फा मेट्रो स्टेशनच्या रस्त्यावरतून जाणार असल्यामुळे त्यांचा निषेध नोंदवण्याकरता मनसैनिक असल्फा मेट्रो स्टेशन जवळ जमलेले होते. या सर्व मनसैनिकांनी दीपाली सय्यद यांच्या बॅनरवर शाईफेक करत आंदोलन करण्यात आलं. पोलिसांचा मोठा बंदोबस्त या आंदोलनाच्या दरम्यान ठेवण्यात आलेला होता आंदोलन सुरू होताच अवघ्या 5 मिनिटात मनसैनिकांची धरपकड पोलिसांकडून करण्यात आली. गेल्या काही दिवसांपासून दीपाली सय्यद या मनसे नेते अमित ठाकरे यांच्यावर टीका करताना पाहायला मिळत आहे याच मुद्द्यावरून मनसैनिक आक्रमक झालेले होते. त्यानंतर आज मनसैनिक घाटकोपरमध्ये आक्रमक झाल्याचे पाहायला मिळाले.