Nilesh Rane : 10-15 हजारांचं एक मतं! निवडणुकीत पैसे वाटप? गंभीर आरोप करत निलेश राणेंचा खळबळजनक दावा

सिंधुदुर्ग जिल्ह्यातील निवडणुकीत पैसे वाटप होत असल्याचा गंभीर आरोप भारतीय जनता पक्षाचे नेते निलेश राणे यांनी केला आहे. त्यांनी रवींद्र चव्हाण यांच्यावर थेट निशाणा साधत म्हटले आहे की, जिल्ह्यात रोज ५० लाख ते १ कोटी रुपयांचे वाटप केले जात आहे आणि १० ते १५ हजार रुपयांना मते विकत घेतली जात आहेत. ही जिल्ह्याची संस्कृती नसून, या प्रकारांमुळे जिल्ह्याचे वातावरण बिघडत आहे, असे राणे म्हणाले. राणे यांनी या गैरप्रकारांविरोधात योग्य ती कारवाई करणार असल्याचे जाहीर केले आहे. संबंधित अधिकाऱ्यांना एफआयआर दाखल करण्यास सांगितले असून, पोलीस यंत्रणा आणि निवडणूक अधिकाऱ्यांमार्फत पाठपुरावा करणार असल्याचे त्यांनी स्पष्ट केले. आपल्या कार्यकर्त्यांना कॅमेऱ्यांसह व्हिडिओ काढून माहिती देण्याचे निर्देश दिल्याचेही त्यांनी नमूद केले. राणे यांनी रवींद्र चव्हाण यांच्या निलेश राणेंच्या पायाखालची वाळू सरकली आहे या टीकेलाही जोरदार प्रत्युत्तर दिले.