शिवसेनेवाले बाबरी खटल्यात आरोपी तर भाजपवाले रणछोडदास, संजय राऊत यांचा हल्लाबोल

 मुंबई | 27 डिसेंबर 2023 : येत्या 22 जानेवारी रोजी अयोध्येत राम मंदिराची प्राणप्रतिष्ठा होणार आहे. त्यामुळे राम मंदिरावरुन श्रेयवादाची लढाई शिवसेना उद्धव ठाकरे गट आणि भाजपामध्ये सुरु झाली आहे. बाबरी मस्जिद पडली तेव्हा भाजपवाले बिळात लपले होते असा हल्लाबोल शिवसेना नेते खासदार संजय राऊत यांनी केला आहे. बाबरी मस्जिद खटल्यात शिवसेनेवाले आरोपी आहेत, तर भाजपवाले रणछोडदास असल्याचेही टिका शिवसेना नेते संजय राऊत यांनी केला आहे. दरम्यान, बाबरी मस्जिद आंदोलनाशी कोणाचे काय योगदान होते? हे संजय राऊत यांनी आम्हाला सांगू नये. या प्रकरणात भाजपा नेते नितेश राणे यांनी राम मंदिराशी संबंधीत उद्धव ठाकरे यांचा संबंध काय ? राम मंदिर आंदोलनाशी संबंधित ठाकरे यांचा एकतरी फोटो दाखवा असे आव्हान नितेश राणे यांनी केला आहे.