AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

Shivendraraje Bhosale : सातारा जिल्हा बँकेच्या निवडीवरून महायुतीत मतभेद? सूचना देऊनही निर्णय वेगळा घेतला; शिवेंद्रराजे भोसले नेमकं काय म्हणाले?

Shivendraraje Bhosale : सातारा जिल्हा बँकेच्या निवडीवरून महायुतीत मतभेद? सूचना देऊनही निर्णय वेगळा घेतला; शिवेंद्रराजे भोसले नेमकं काय म्हणाले?

| Updated on: Nov 20, 2026 | 4:16 PM
Share

सातारा जिल्हा मध्यवर्ती बँकेच्या निवडणुकीत महायुतीतील मित्रपक्षांमध्ये समन्वयाचा अभाव राहिला, असे सार्वजनिक बांधकाम मंत्री शिवेंद्रराजे भोसले यांनी म्हटले आहे. वरिष्ठांच्या सूचना देऊनही राष्ट्रवादी काँग्रेस आणि शिवसेनेने एकत्र येत परस्पर वेगळा निर्णय घेतल्याची वस्तुस्थिती त्यांनी मांडली. स्थानिक पातळीवर निर्णय घेण्याऐवजी, वरून आलेल्या सूचनांना महत्त्व दिले गेले नाही, असेही त्यांनी नमूद केले.

सातारा जिल्हा मध्यवर्ती बँकेच्या अध्यक्ष व उपाध्यक्ष निवडीवरून महायुतीतील मित्रपक्षांमध्ये समन्वय राहिला नसल्याचे चित्र समोर आले आहे. सार्वजनिक बांधकाम मंत्री शिवेंद्रराजे भोसले यांनी याबाबत आपली प्रतिक्रिया दिली आहे. वरिष्ठांकडून आलेल्या सर्व सूचना आणि सुचवलेली नावे आपण वेळेवर राष्ट्रवादी काँग्रेस आणि शिवसेनेच्या नेत्यांपर्यंत पोहोचवली होती, असे शिवेंद्रराजे भोसले यांनी स्पष्ट केले.

मुख्यमंत्र्यांशी झालेल्या भेटीदरम्यान मिळालेल्या सूचनाही त्यांनी चर्चेत मांडल्या होत्या. मात्र, राष्ट्रवादी काँग्रेस आणि शिवसेनेच्या नेत्यांनी आमचा निर्णय आता झाला आहे असे सांगत एकत्र येऊन परस्पर वेगळा निर्णय घेतला, अशी वस्तुस्थिती भोसले यांनी मांडली. चेअरमन निवडीबाबत वरिष्ठांनी सुचवलेले नावही आपण मकरंद पाटील यांना कळवले होते. स्थानिक पातळीवर निर्णय घेण्याचे आवाहन असले तरी, अंतिम निर्णय वेगळा झाल्याने समन्वयाचा अभाव दिसून आला.

 

 

Published on: Nov 20, 2026 04:16 PM

Follow Us