‘या’ कारणामुळे शिवसेना पक्ष आणि चिन्ह पुन्हा उद्धव ठाकरे यांनाच मिळणार; प्रियांका चतुर्वेदी यांना विश्वास

नवी दिल्ली : महाराष्ट्रातील सत्तासंघर्षावर सर्वोच्च न्यायालयात आज सुनावणी होणार आहे. थोड्याच वेळात या सुनावणीला सुरुवात होणार आहे. या सुनावणीत काय होणार, याकडे अवघ्या देशाचं लक्ष आहे. या संदर्भात ठाकरे गटाच्या नेत्या, खासदार प्रियांका चतुर्वेदी यांनी प्रतिक्रिया दिली आहे. “सुप्रीम कोर्टाकडून आम्हाला अपेक्षा आहेत. निकाल हा आमच्याच बाजूने लागणार आहे. आमदारांनी 10 व्या शेड्युलचं उल्लंघन केलं आहे. केंद्रीय निवडणूक आयोगानं जो निर्णय घेतला त्यावरही सुप्रीम कोर्ट त्यावरही निर्णय देईल. त्यामुळे शिवसेना पक्ष आणि चिन्ह पुन्हा उद्धव ठाकरेंनाच मिळेल, असा विश्वास प्रियांका चतुर्वेदी यांनी व्यक्त केलाय.