Navneet Rana : डोहाळे जेवणाची तयारी अन् सर्व खर्च आमचा.. नवनीत राणा यांनी स्वतः प्रयत्न करावेत…’त्या’ विधानानंतर अंधारेंचं आव्हान

भाजप नेत्या नवनीत राणा यांनी हिंदूंना चार मुलं जन्माला घालण्याचं आवाहन केल्याने महाराष्ट्राच्या राजकारणात नवं वादंग निर्माण झालं आहे. एका मुस्लिम मौलवीच्या विधानाचा दाखला देत राणांनी हिंदूंनी किमान तीन ते चार मुलं जन्माला घालावीत, अन्यथा भारताचे पाकिस्तान होईल असे म्हटले होते. यावर ठाकरे गटाच्या नेत्या सुषमा अंधारे यांनी नवनीत राणांना थेट आव्हान दिले आहे. अंधारे यांनी राणांवर टीका करताना म्हटले की, राणांनी स्वतःपासूनच चार मुलांची सुरुवात करावी. जर त्या स्वतः याची सुरुवात करत असतील, तर डोहाळे जेवणाचा सर्व खर्च ठाकरे गट करेल असा प्रस्तावही अंधारेंनी दिला.

सध्या नवनीत राणांना दोन अपत्ये आहेत. अंधारेंनी राणांवर विकासाच्या मुद्द्यांवर लक्ष न देता अशा विक्षिप्त विधानांनी लोकांचे लक्ष विचलित करण्याचा प्रयत्न करत असल्याचा आरोप केला. अमरावतीमधील पाणीपुरवठा आणि एमआयडीसीच्या प्रश्नांकडे राणा दुर्लक्ष करत असल्याचेही त्यांनी नमूद केले. राज्य अल्पसंख्यांक आयोगाच्या अध्यक्षांसह अनेक विरोधकांनी राणांच्या या विधानावर तीव्र नाराजी व्यक्त केली आहे.