Video : सोलापुरात पावसाचा येलो अलर्ट: शेतकऱ्यांच्या आशा पल्लवित, पण दुष्काळाची चिंता कायम

सोलापूर शहर आणि जिल्ह्यात पावसाचा येलो अलर्ट जारी करण्यात आला असून, यामुळे शेतकऱ्यांमध्ये आशेचे वातावरण आहे. मागील काही दिवसांपासून ढगाळ वातावरण होते आणि सोमवार रात्रीपासून शहर व जिल्ह्यातील विविध भागांत परतीचा पाऊस सुरू झाला. विशेषतः माळशिरस तालुक्यात ढगफुटीसदृश्य, तर दुष्काळी ओळख असलेल्या अक्कलकोट आणि दक्षिण सोलापूर तालुक्यांतही जोरदार पावसाने हजेरी लावली. या पावसामुळे पिकांना काही प्रमाणात दिलासा मिळण्याची शक्यता आहे, परंतु जिल्ह्यातील पाणीटंचाईची समस्या गंभीर आहे. एकूण ५६ प्रकल्पांमध्ये केवळ २.८८ टक्के पाणीसाठा शिल्लक आहे आणि अनेक तलाव कोरडे पडले आहेत. या पार्श्वभूमीवर पालकमंत्री जयकुमार गोरे यांनी टंचाई आढावा बैठक घेतली. महसूल आणि कृषी विभागाला दुष्काळाचे अहवाल तातडीने पूर्ण करण्याचे निर्देश देण्यात आले आहेत. सोलापूर जिल्ह्यात दुष्काळ जाहीर करण्याची मागणी जोर धरत आहे. येत्या दोन-तीन दिवसांत येलो अलर्टनुसार किती पाऊस पडतो, यावर शेतकऱ्यांच्या पिकांचे भवितव्य अवलंबून असेल.