Extramarital Affair : नवरा आजारी पडल्यावर सासू जावयाकडे आकर्षित झाली, जावई नजरेत भरला, मग दोघांनी मिळून केलं असं कांड सगळेच हडबडले

सासू सूनेसारखंच सासू आणि जावयाचं नातं असतं. या नात्यात एक आदर, सन्मानाची भावना असते. प्रत्येक नात्याची एक मर्यादा असते. ती पाळावी लागते. पण काहीवेळेला लोकांना या नातेसंबंधांचा विसर पडतो. नात्यात मर्यादा पाळली जात नाही. यूपीच्या उन्नावमध्ये असचं एक प्रकरण समोर आलय. लोक त्या बद्दल ऐकून हैराण आहेत. एक महिला आपल्या आजारी नवऱ्याला सोडून जावयासोबत पळून गेली. ही महिला जाताना घरात पुरलेलं सोन सुद्धा घेऊन पसार झाली. या प्रकरणात आजारी नवरा आणि मुलाने एसपीकडे जाऊन तक्रार दिली. महिलेच्या मुलाने पोलीसात तक्रार नोंदवल्यानंतर एसपी जय प्रकाश सिंह यांची भेट घेऊन कारवाईची मागणी केली. महिलेने काही काळापूर्वी आपली 10 बिघा जमीन नातीच्या नावावर केली होती. एसपीने या प्रकरणात लक्ष घालण्याचं आश्वासन दिलं आहे.

मुलाने दिलेल्या तक्रारीनुसार जवळपास 15 वर्षापूर्वी बहिणीचं सोहरामऊ येथे लग्न झालं होतं. लग्नानंतर पतीने बहिणीची हत्या केल्याचा आरोप आहे. बहिणीच्या मृत्यूनंतर तिच्या मुलीच्या पालनपोषणाचा विचार करुन कुटुंबाने त्यावेळी गुन्हा नोंदवला नाही. त्यानंतर सासू आणि जावयामध्ये जवळीक वाढायला सुरुवात झाली आहे. जावयाचं घरी येणं-जाणं वाढलं. वडिलांनी याला विरोध केल्यानतंर घरी भांडणं होऊ लागली. मात्र, त्यानंतरही दोघांची जवळीक कमी झाली नाही. आता सासूच जावयासोबत फरार झाली आहे.

दागिन्यांची किंमत किती?

खानदानी दागिन्यांसंदर्भातही मोठा आरोप आहे. मुलाचं आणि वडिलांचं म्हणणं आहे की, घराच्या आत खड्डा खणून त्यात खानदानी दागिने पुरले होते. या दागिन्यांमध्ये दोन किलो चादी आणि आठ तोळे सोनं होतं. महिलेने घरातून पळून जाताना जमीन खणली व दागिने घेऊन पसार झाली. लाखोंमध्ये या दागिन्यांची किंमत आहे.

आईने हे काम गुपचूप केलं

मुलाने आपल्या तक्रारीत जमिनीवरुन सुद्धा प्रश्नचिन्ह उपस्थित केलय. मुलाचा आरोप आहे की, 14 सप्टेंबरला त्याच्या आईने जावयाच्या सांगण्यावरुन वडिलांनी विकत घेतलेली जमीन नातीच्या नावावर केली. जमिनी नातीच्या नावावर केल्याची माहिती कुटुंबाला नंतर कळली. मुलाचं म्हणणं आहे की, आईने हे काम गुपचूप केलं. वडिलांना विश्वासात घेतलं नाही.